വീട്ടുകാരെ സഹായിക്കാന് കന്യാകാത്വം ഓണ്ലൈനില് വില്പ്പനയ്ക്ക് വെച്ച് ഒരു 19-കാരി. ഒരു രാത്രി തനിക്കൊപ്പം കഴിയാന് മാന്യന്മാരില് നിന്നും 264,000 പൗണ്ടില് ആരംഭിക്കുന്ന ലേലത്തിനാണ് ബ്രസീലിലെ മിനാസ് ജെറായിസ് സ്വദേശിനി റൊസാലി പിനോ തുടക്കമിട്ടിരിക്കുന്നത്. കുടുംബം വല്ലാത്ത സാമ്പത്തിക ഞെരുക്കത്തിലാണെന്നും പലപ്പോഴും ഭക്ഷണം കഴിക്കാന് പോലും ബുദ്ധിമുട്ടുകയാണെന്നും ഇവര് അവകാശപ്പെടുന്നു.
നിലവില് താമസിക്കുന്ന ഇടത്ത് നിന്നും മാറി പുതിയ സ്ഥലത്ത് ജീവിതം പച്ചപിടിപ്പിക്കാനാണ് റൊസാലി പിനോ ഈ ഉദ്യമത്തിന് തുടക്കം കുറിച്ചിരിക്കുന്നത്. അമ്മയ്ക്ക് പുതിയ ഒരു വീട് വാങ്ങി നല്കണമെന്നാണ് പെണ്കുട്ടിയുടെ മറ്റൊരു ആഗ്രഹം. ഇതോടൊപ്പം തന്റെ കോളേജ് പഠനത്തിനുള്ള ഫണ്ട് കൂടി ഇതുവഴി സ്വരൂപിക്കാമെന്ന് 19-കാരി കണക്ക് കൂട്ടുന്നു.
എന്തായാലും ഓണ്ലൈനില് കന്യകാത്വം വില്ക്കാന് ഇറങ്ങിയ മുന്ഗാമികളെ പോലെ സ്വന്തം മുഖം കാണിക്കാന് പിനോ തയ്യാറായിട്ടില്ല. ഓണ്ലൈനിലും സോഷ്യല് മീഡിയയിലും അക്കൗണ്ടുകളുമില്ല. കന്യകാത്വം ലേലത്തിന് വെച്ചാല് ലഭിക്കുന്ന വന് തുകയിലൂടെ ജീവിതം മെച്ചപ്പെടുത്താമെന്നാണ് പിനോയുടെ കണക്കുകൂട്ടല്. ഇന്നുവരെ ജീവിതത്തില് ഡേറ്റിംഗ് നടത്തിയിട്ടില്ലെന്ന് കൗമാരക്കാരി വ്യക്തമാക്കുന്നു.
സ്വന്തമായി ഒരു വെബ്സൈറ്റ് തന്നെ ആരംഭിച്ച ശേഷമാണ് പിനോയുടെ ഓണ്ലൈന് വില്പ്പന. നിലവില് ലേലം 440,000 പൗണ്ടില് എത്തിയെന്നാണ് വിവരം. മെയ് മാസത്തില് ലേലം വിളി അവസാനിക്കും. തങ്ങളുടെ നാട്ടില് വ്യഭിചാരം നിയമവിധേയമായതിനാല് താന് ചെയ്യുന്നതില് യീതൊരു തെറ്റുമില്ലെന്നും ഇവള് കൂട്ടിച്ചേര്ക്കുന്നു.